mahesta1の日記, 2023年 08月 30日

في وصفه كيك لسه مجرباها من غير دقيق عباره عن كوب حمص مسلوق و نص او تلت ارباع كوب لبن و بيضه و تلت تمرات و معلقه قرفة و معلقة كبيره كاكاو و تضربيهم لحد ما يكون قوام تقيل كده شويه و على صينيه مدهونه زيت زيتون او ورق زبده و في الفرن لمدة نص ساعه و بالهنا 💞 

في كمان براونيز عباره عن موزه مهروسه و معلقتين كاكاو خام وبيضه و نص معلقة بيكنج باودر و في المايكرويف لمدة دقيقتين أو 3 دقائق أو الفرن لمدة 10 دقائق ودي سعراتها قليله اوي بس عيبها أن مفيهاش بروتين او ألياف كتير عايزه حاجه تشبع يبقى كيكة الحمص حلوه اوي  

مريم تقصدى الحمص الخاص بالطبخ او الحمص الموجود في المحمصه  

دي بعملها لما بكون رايقه وهي البانكيك اربع معالق شوفان مطحون او دقيق شوفان عليهم بيضتين و نص كوباية لبن و موزه مهروسه و نقطة ڤانيليا و معلقة صغيره بيكنج باودر دي اختياري وهي انك تضيفي قرفه و كاكاو و على طاسه فيها مسحة زيت جوز هند أو زيت زيتون نزلي شوية لحد ما يحمر من تحت و اقلبي الناحيه التانيه و هكذا لحد ما الكميه تخلص و يستحسن تغطيها عشان تستوي من جوا بالبخار بتكون حلوه اوي بعد ما تجهز عليها معلقه صغيره عسل من فوق كده دي بتاخد وقت كتير بس حلوه اوي أوي  

اه الحمص بتاع الطبخ اللي من عند العطار  

الوصفات ما اكثرها باليوتيوب ارشحلك قنوات زي منال هوم /مطبخ موني /ايمان عبدالله /مطبخ نرمين...... معظم وصفاتهم مجربه خدي الوصفه الي تناسب المتوفر عندك  

فيكي تعملي براونيز صحي المكونات موزتين مهروسات فانيلا بيكنج باودر كوب كاكاو بيضة سكر استيفبا حسب الرغبة تخفقيهن كلهن وعافرن ربع ساعه انا جربتو تحفة ممكن تستبدلي الموز بالتفاح انا جربت الموز لكن حجرب التفاح لان اقل بالسعرات 😅 

في برضو كيكة الموز بالشوفان موزتين بيضتين نص كوب حليب كوب شوفات فاتيلا بيكنج باودر وعسل او سكر استيفيا دا تحفة جدا وبيشبع  

شكرا ليكم بنات 😍❤️