ميهمكيش ،،استعيني بالله وخليكي قوية ولا يهزك المحبطين ..خلي كلامهم دا حافز ليكي واثبتي لنفسك وليهم العكس
سبحي كتييير لان التسبيح بيزيل اثر الكلام الجارح
الف سلامة علي قلبك
2023年 06月 13日 投稿者: smsm.hasanin
|
متسمعيش من حد وظبطيلك نظام حلو بصي افطري بيضتين ب ٢ توست وخضار او جبنه او فول
والغدا ٥ معالق رز او مكرونه وبروتين وخضار
والعشا زباده وثمره فاكهه
ولو مليتي خلي يوم فطار شوفان بلبن وبجوز هند ومكسرات
بس النظام ده خليه ٤ ايام بنشويات و٣ ايام من غير نشويات يعني يوم نشويات ويوم لا عشان يساعد جسمك يحرق وصومي متقطع ١٤ ساعه مثلا مقدرتيش خليهم ١٢
2023年 06月 13日 投稿者: princess2233
|
ولا تسمعي لأى حد امشي على النظام اللى مفيهوش حرمان بس نقلل السعرات ومنبدئش او نختم يومنا بنشويات او سكر
وثقى فى نفسك وحبيها وتقبلي وزنك مهما كان وحطي صباعك فى عين التخين وقوليلهم انا ست الستات وزى القمر فى كل حالاتي ولو بحاول اخس فده عشان نفسي مش عشان حد
لازم تتقبلي نفسك وتحبيها عشان تقدري تتغيري
وانشفي كده شوية احنا عايشين مع شوية بنى ادمين عايزين طلقه بين حواجبهم
2023年 06月 13日 投稿者: مودة ...
|
2023年 06月 13日 投稿者: فلسطينيه
|
كملى و استمرى مع الإستمرار هتلاقي نتيجه لما انا وقفت ندمت و ذدت اكتر متسمعيش كلامهم كانوا بيقولولى كده و انا ٦٤ كيلو سيبك منهم كلهم اللى يتكلم قوليله ملكش دعوه
2023年 06月 13日 投稿者: nada elsayed ali
|
حبيبتي ولا يهمك كلام حد في الاول والاخر احنا بنخس علشان نفسنا وصحتنا مش علشان حد خليكي واثقة في نفسك وكملي ماتخليش حد يحبطك وربنا هيقدرك باذن الله
2023年 06月 13日 投稿者: maramelrakeb
|
خلي اللي يقول يقول.. بكرة لما انشالله توصلي للمثالي وتبهريهم بشيب جسمك هما نفسهم اللي هيجو يسالوكي عملتيها ازاي
2023年 06月 13日 投稿者: mervat dawoud
|
ولا يهمك والله احنا اصلا بنعمل نظام علشان صحتنا احنا علشان نفسنا مش علشان حد مرايتك مقاساتك ووزنك وتحسن صحتك وزيادت نشاطك مش كلام الناس خالص ربنا يوفقك انتي قدها 💪 كملي متحبطيش ومتضايقيش
2023年 06月 13日 投稿者: Om habiba2020
|
انا كنت كدة وحطيت صحتى ادامى وقولت انا لزم اخس عشان صحتى مش عشان شكلى أمام الناس خافى على نفسك مش شكلك أمام الناس وخل. عندك ثقة فى نفسك
2023年 06月 13日 投稿者: miadasalah229
|
الافضل انك تابعة نظام الكيتو وهو ليس به يوم او وجبة فرى اقطعى السكر والكاتب تماما والفواكه الفطار 2از3بيض مقلى بالزبدة وسلطة الغداء خضار مطبوخ عادى من اكل البيت وسلطة وورك دجاجة او سمك او لحم والعشاء سلطة بيض أو جبنة قريش بزيت الزيتون أو قطعة قشطة وست فراولة وهى الفاكهة الوحيدة المسموحة فى الاول وكل انواع الجبنة الصلبة مسموح
السناك ممنوع تماما أو الفرى اول 3ايام صعبة بسبب قطع السكر لكن النتيجة هتكون جميلة وخاصة مع الوزن الكبير ممكن تنزل اولشهر10كيلو وده عن تجربة ربنايوفقكي
2023年 06月 13日 投稿者: ماما فيفى
|
والأهم عدم الشعور بالجوع اطلاقا كذلك لا يوجد فرصة للغش لأن الغش معناه الخروج من الكيتو وممكن تدخل على جروب ابدأ كيتو وكذلك د.وعد على اليوتيوب
2023年 06月 13日 投稿者: ماما فيفى
|
كلامه ممكن ميكنش غلط
بس اكيد اسلوبه كان غلط فانتي اتضايقتي
انتي ممكن تكوني حساسة زيادة حبتين
محتاجه بس تعززي ثقتك بنفسك ان مش اي شخص يؤثر فيكي و تحولي اي كلام وموقف امامك لطاقة ايجابية تحركك ناحية هدفك
لما حد يقولك كلام يضايقك قوليله ان شاء الله وربنا يسهل وبنحاول
ومع العلم في ناس بتكون تخينة وعندها ثقه بنفسها زي ويزو كده بتاعت مسرح مصر 🎉
خسي بمزاجك ومتخليش حاجه تضايقك والتحدي الاهم انك بتخسي لصحتك انتي مش عشان تعجبي حد هما كده كده هيطلعو اي حاجه تضايقك وهتتقالك لما تخسي بردو 🤣🤣🤣
2023年 06月 14日 投稿者: Eng.'Mohamed'
|
متسمحيش لأي حد مهما كان أنه يكسر خاطرك حتي لو حسيتي كده خليكي قويه و جامده و بمسافة ما النفسيه تتحسن الثقه هتعلي عندك هتحققي اكتر مش لازم دكتور انا اخويا اخصائي تغذيه ممكن يتابعك اونلاين لو حبيتي ابعتلك لينك انستغرام و إن شاء الله كل حاجه هتبقي تمام و ربنا يفرح قلبك
2023年 06月 14日 投稿者: hagarsaleh32
|