drshaltout87の日記, 2021年 09月 13日

هو نسبة الكارب اللي حضرتك بتقولها دي للناس اللي ماشية كيتو. على كل حال هم بيحسبوا النت كارب (الكارب الصافي) يكون في حدود 10 أو 20 جرام. والنت كارب عبارة عن طرح الكارب الإجمالي من الألياف. وبالمناسبة في الكيتو ممنوع الحليب. صعب جدا توصل النسبة دي لو انت لو كارب. لأنه مطلوب منع أي نشويات صريحة رز شوفان خبز. هتكتفي بالخضروات الورقية، وبعض الخضار زي الخيار والكوسا والباذنجان. الخضار المشوي زي البطاطا والقلقاس والبطاطس طبعا ممنوع لأنه فيه كارب عالي. الفاكهة اغلبها هيبقى ممنوع ما عدا التوتيات (التوت الفراولة الحرنكش) وهو اللوكارب بيسمح نسبة كارب أعلى من كدة، النسبة المذكورة دي كيتو. آسفة على عدم ترتيب المعلومات، بس حبيت اذكر كل التفاصيل اللي خطرت في بالي.  

كده انت عاوز تمشي كيتو مش لو كارب الكيتو مسموحلهم ب ٥٠ جرام نت كارب ف اليوم اللو كارب من ٥٠ ل ١٠٠ جرام نت كارب ف اليوم الخضار بيكون فيه الياف كتير دي بتكون محسوبه من ضمن الكارب فبتشوف التوتال كارب و تطلح منه الالياف يطلعلك النت كارب الي اكلته عشان تمشي لو كارب هتمنع كل مصادر الكارب زي العيش و الرز و المكرونه هتعتمد ع الكارب الموجود ف الخضار و الفاكهه الفاكهه كمان مش هتاكل منها بكميات لان الكارب بتاعها عالي اوي و نفس الكلام البطاطس 

هي النسبة دي أقل حتى من الي مسموح بيها فـ الكيتو يا دكتور 😅 قليل أوي كدة أحنا أجسامنا محتاجة بردو كارب وفي دهون بتتحرق أصلاً نتيجة مركبات معينة بتبقى byproduct للـ metabolism بتاع الكارب 😅 فـ لازم ندخلها بـ كمية معتدلة حسب نوعية النظام .. الكيتو مع حضرتك كـ رجل من 80 لـ 100 جرام فـ اليوم حسب النشاط والفتيات من 60 لـ 80 بس أنا كـ إسراء بشوف إن فـ المقام الأول نبص على الـ Carb frequency وكدة كدة لو قليل كمية الكارب تبعاً هتبقى قليلة يعني أنا بـ recommend إن حضرتك تدخل النشويات مرة واحدة فـ واجبة واحدة فـ اليوم لو عايز تقللها كدة أو تقرأ أكثر عن الكيتو لو عايز تـshift عليه .. آسفة على الإطالة 😄🙏🏻 

الرقم قليل جدا جدا جدا والله أعلم ده الواحد لو لمس اى فاكهة حيكون فيها كارب اكتر من كده . حاجات كتير اوى حتوقفها يا دكتور . بجانب ان ده حيقلل الحرق اوى يا دكتور . ده اثناء التنشيف اهل الرياضة بيعملوا carb cycle علشان ايام التمرين بيحتاجوا نشويات اكتر  

كمثال حصل معايا قعدت فترة مقلل ال carb اقل من 150 جرام فى اليوم ووزنى كان ثابت . قعدت اسبوع زودت ال carb جدا ولكن اقل من احتياجى لليومى ورجعت تانى بعد اسبوع الدنيا ظبطت والحمد لله . انا جربت موضوع ال carb المعدوم ده من ست سنوات ومكمنتش باكل غير بروتينات فقط . خسيت ٨ كيلو فى ست شهور وكنت بروح الجيم ٣ مرات فى الاسبوع ومبنش على جسمى العضلات بسبب قلة الحرق واكيد كنت بكسر فى العضلات من قلة الاكل وانعدام الطاقة من النشويات 

الكارب بيمد جسمك بالطاقة و بيساعد علي الحرق لو قللته اوي كده جسمك هيتعب جامد و ممكن متخسش اصلا  

انا عملت كده يوم واحد ومقدرتش ازاكر ودخت و كنت حالتى بالبلا وتانى يوم الصبح مقدرتش اتمرن فا بلاش ولله ملهاش لزمه  

انا ماشيه ٥% اللي هو كيتو بيديني ٢٠جرام نيت كارب يوميا ليه عايز تنزل ل١٠جرام ؟ 

اللوكارب بيديك لحد ١٠٠جرام كارب يوميا لو هتنزل ل١٠جرام انت كدا هتدخل كارنيفور مش كيتو حتى 

أنا آسفة كتبت غلط 😅 اقصد اللوكارب نسبة الكارب كـ رجل من 10 لـ 100 جرام يوماً والسيدات 60 لـ 80 جرام يوماً 

شكراً ليكم كلكم علي النصائح الغاليه .. هقولكم ليه أنا سألت السؤال ده ..أولا أنا سمعت فيديو لدكتور بيرج ع اليوتيوب بيقول إنه من أهم أسباب نزول منطقة البطن بالتحديد هو إنك تقلل نسبة الكارب ل 10 او 20 بالكتير .. وأنا بصراحه ده أحد أهم أهدافي .. ثانيا أنا فعلا مش باكل رز و لا مكرونه ولا خبز بكل أشكاله بقالي فتره .. و مبسوط كده و زي الفل مش تعبان .. الكارب اللي بستهلكه بيبقي غالبا في الخضروات سواء طازه أو مطبوخه .. و أحيانا من الشوفان و لو إني مابقيتش أكله زي الأول خااالص .. كل فتره لو نفسي راحتله .. في ضوء المعلومات دي هل لسه طلبي منطقي و صحي بالنسبالي (10جم كارب ) ولا إيه رأيكم 

drshaltout كدة للأسف يا دكتور هتضطر تستغنى عن الخضروات خالص أو على الأقل هدخلها فـ يومك بـ كمية بسيطة جداً وهتخسر فوائد الخضروات والڤيتامينات الي بنعتمد عليها فـ نظامنا .. أنا عندي فكرة وهي أن حضرتك ممكن تأخذ أسبوع أو أتنين كارنيفور وتجرب وتشوف هل هيفرق مع حضرتك ولا لأ  

Esra'a أنا ماعرفش نظام الكارنيفور ده .. هعمل سيرش عنه و أشوفه مناسب ليا ولا لأ  

drshaltout الكارنيفور بمنتهى البساطة هو نظام بتأكل فيه كُل ما هو بروتين حيواني مُنتح من الحيوانات فقط يعني أسماك بـ مختلف أنواعها، فراخ، بيض، لحوم، أجبان بـ أنواعها وزبادي ممنوع فيه أي حاجة نباتية زي كُل الخضار والفواكه وبعض المُنتجات الي جاية من الحيوان زي اللبن سواء كامل أو منزوع الدسم ممنوع فيه السكر والعسل كمان مش عارفة موقف السكر الدايت بصراحة دي معلوماتي عنه 🙏🏻  

أنا عندي حلّ كمان ممكن تلجأ له يا دكتور لو فعلاً الدايت مش جايب نتيجة مرضية وهو إن حضرتك تعمل session على البطن سواء بقى كان cryolipotherapy, Mesotherapy, cavitation or HIFO ... بس فـ الحالة دي لازم center محترم ومعروف وفي ناس مجربه فيه ثقة وجاب معاهم نتيجة فعلا والدكتور على الحسب الـ case وكم الدهون هيحدد لحضرتك أنهي الأفضل  

لو حضرتك قررت كدة يبقى هتعمل كيتو شديد القسوة أو كارنيفور بس الفكرة اللي لازم تضعها في عين الاعتبار أنه غالبا هيجي اعراض زي الإمساك، ولازم تاخد مكملات غذائية بجرعات كبيرة نوعا ما، لأنه مصادر المعادن والفيتامينات أصبحت غير موجودة  

10 جرام يه دي القهوا اللي بتتشرب الصبع ١٠ جرام مفيش الكلام ده قليل جداً و الكربس مش مضره خالص اللي يقلق كدا يكون مش فلهم او ماشي ورا كلام واحد مش دارس كويس كول حاجه بي اعتيدال هوا الحل لو ماكلتش كارب ممكن تموت مش هيكون عندك طاقه و الماء هينزل من الجسم و من المخ فا مش هتعرف تركز في اي حاجه و مش هطيق نفسك انت شوف سعرات السبات عندك كام و قلل ٥٠٠ هتنزل نص كيلو في الاسبوع هتقلي انا عاوز انزل اكتر هقولق لو نزلت بسرعه و جبت الوزن اللي عوزه بس شكلك في المرايه هيكون وحش و فيه ترهولات و ليه العزاب ده كله